Арэлі для лідараў. Як Яга Гіртс і Цім Гайсэр выпраўлялі свае памылкі на мотакросавым Гран Пры Партугаліі

0 5

Фота: mxgp.com

У мінулыя выхадныя сусветны мотакрос здзейсніў першы за два гады візіт у Партугалію. Ад якой, па ўсяму відаць, удзельнікі чэмпіянату паспелі адвыкнуць, і таму нарабілі досыць памылак, якія потым выпраўлялі.

Арэлі для лідараў. Як Яга Гіртс і Цім Гайсэр выпраўлялі свае памылкі на мотакросавым Гран Пры Партугаліі

Галоўная ж навіна, якая абнадзейвае, гэта што сваю памылку ўсвядоміў Захад. Памылка была ў тым, што Украіне, якая зараз адна супрацьстаіць навале, варожай да ўсяго светлага і добрага, дапамога аказвалася асцярожна і не ў патрабаваным аб’ёме.

Аднак цяпер заходнія краіны, і найперш ЗША, наважыліся на сапраўдны лэнд-ліз, і Украіна атрымае так патрэбнае ёй зараз узбраенне, у тым ліку цяжкае. Захад нарэшце зразумеў (прынамсі, хочацца ў гэта верыць), што зараз не час разбірацца, абароннае тое ўзбраенне ці наступальнае. Для Украіны зараз абаронным ёсць любое.

Вольныя і мужныя ўкраінцы абараняюць не толькі сваю прыгожую радзіму, а ўсю цывілізацыю. І цывілізацыя абавязаная дапамагаць ім усім, што ў яе ёсць. Яна мусіць выправіць сваю памылку і пераступіць цераз страх перад ядзернай дубінай у руках шалёнай крамлёўскай малпы. Таму што гэта адзінае, што ў малпы засталося, і зусім не факт, што дубіна тая не зламаная ці гнілая.

Нажаль, звычайнага гарматнага мяса ў ворага яшчэ багата, таму Украіну ў бліжэйшы час па-ранейшаму чакаюць цяжкія выпрабаванні. Трагедыя Бучы, як ні горка, напэўна не апошняя ў гэтай вайне, якая скончыцца ўсё роўна перамогай Украіны. Я выказваю захапленне мужнасцю і самаадданасцю яе абаронцаў, сярод якіх ёсць і беларусы. Разам з украінцамі яны здабудуць свабоду і для нашай бацькаўшчыны. Слава Україні! Героям слава! Жыве Беларусь!

Памылкі спартсмэнаў падчас спаборніцтваў па цяжкасці наступстваў не ідуць ні ў якое параўнанне з памылкамі заходніх палітыкаў у іх адносінах з дыктатарскімі рэжымамі. Наадварот, для спорту яны якраз карысныя, асабіста калі казаць пра гонкі. Найцікавей жа, калі памыляюцца лідары, як гэта ў мінулы ўік-энд у Агуэдзе здарылася з Цімам Гайсэрам і Яга Гіртсам – лідарамі чэмпіянату свету па мотакросе.

1 630-метровая траса ў Партугаліі адрозніваецца ад большасці астатніх астатніх, што прымаюць сусветнае першынство, тым, што яна гліняная. Адпаведна, матацыклы на ёй і паводзяць сябе іначай, да чаго, магчыма, не ва ўсіх атрымліваецца хутка адаптавацца. Так што падзенняў на чацвёртым этапе чэмпіянату было шмат.

Адным з першых у нядзелю ўпаў Маціа Гуаданьіні, які ў гэтым сезоне выступае ў колерах Red Bull GasGas Factory Racing. Італьянец амаль захапіў лідарства ў першай гонцы катэгорыі MX2, але гэта не абараніла яго ад кантакту з кімсьці з супернікаў і непрыемнага палёту асобна ад матацыкла. На шчасце, гоншчык не пацярпеў, працягнуў гонку і нават фінішаваў дванаццатым.

Не нашмат даўжэйшым першы заезд быў і для Гіртса, які ўзначальвае асабісты залік у MX2. Гоншчык завадской каманды Monster Energy Yamaha Factory Racing напярэдадні без праблем выйграў кваліфікацыйную гонку, а ў першай з нядзельных пасля падзення таксама на першым кругу вымушаны быў прарывацца з апошняй пазіцыі. Даехаў ён у выніку да дзявятай.

Гонку ж пасля хол-шоту ўзначаліў датчанін Мікель Хааруп з каманды Big Van World MTX Kawasaki, за якім, аднак, адразу прыстроіўся галоўны супернік Гіртса – француз Том Віаль з Red Bull KTM Factory Racing, які падаў у кваліфікацыйнай гонцы. Хааруп абараняўся чатыры кругі, пасля чаго ўсё ж прапусціў Віаля наперад. А вось канкурэнта з завадской каманды Nestaan Husqvarna Factory Racing Кая дэ Вольфа не прапусціў, фінішаваўшы другім. Нідэрландзец задаволіўся трэцяй пазіцыяй.

Другі заезд быў працай над памылкамі для Гіртса. Стартаваў ён ізноў нядрэнна і, што галоўнае, першы круг праехаў ужо без прыгод. Яга адразу апынуўся ў групе лідараў, дзе першыя кругі было цесна. Лідзіраваў пасля стартавага хол-шоту нарвежскі гоншчык каманды F&H Racing Team Кэвін Хоргма, пераследнікамі якога былі і прадстаўнік Hitachi KTM Fuelled by Milwaukee Ісаак Гіфцінг, і Хааруп, і Віаль, і, нарэшце, сам Гіртс.

Першы круг лепей удаўся Віалю – ён прарваўся на другую пазіцыю. А на сёмым кругу паспяхова атакаваў і Хоргма. Нарвежац адразу стаў мішэнню для Гіртса, які падняўся на трэцюю пазіцыю дзякуючы падзенню Гіфцінга. Хутка лідар чэмпіянату пакінуў ззаду і Кэвіна, які на гэты раз замкнуў першую тройку.

Ну а на дзявятым кругу, скарыстаўшыся зусім, здавалася б, нязначнай памылкай Віаля, Гіртс абагнаў і яго, выйграўшы затым і другую гонку. Том фінішаваў другім, але па выніках Гран Пры Партугаліі перамог менавіта ён, тады як Яга задаволіўся трэцім месцам. Другое ж заняў Хааруп, які ў другой гонцы фінішаваў чацвёртым.

Арэлі для лідараў. Як Яга Гіртс і Цім Гайсэр выпраўлялі свае памылкі на мотакросавым Гран Пры Партугаліі

Зрэшты, Гіртс усё роўна захаваў камфортнае лідарства ў чэмпіянаце – у яго 174 ачкі супраць 158 у Віаля, які у сваю чаргу захоўвае другую пазіцыю. На трэцюю падняўся Хааруп, у якога 132 балы, што на два болей, чым у Сімона Лангенфельдэра. Немец візіт у Партугалію ў актыў сабе запісаць дакладна не можа – трынаццатая пазіцыя ў першай гонцы і дзявятая ў другой. Yamaha працягвае лідзіраваць сярод вытворцаў і мае 176 ачкоў, на два апярэджваючы KTM. GasGas замыкае першую тройку са 160 баламі.

Лідар чэмпіянату ў старэйшай катэгорыі MXGP Цім Гайсэр падаў у Агуэдзе таксама, толькі ён гэта зрабіў ужо ў кваліфікацыйнай гонцы, якую скончыў у выніку сёмым. Так што славенцу з завадской Хонды памылку належала выпраўляць ужо ў першым нядзельным заездзе. Справіўся ён, трэба адзначыць, някепска: добра стартаваў, правёў шэраг паспяховых абгонаў і фінішаваў трэцім.

Арэлі для лідараў. Як Яга Гіртс і Цім Гайсэр выпраўлялі свае памылкі на мотакросавым Гран Пры Партугаліі

Першым адмашку клецістым сцягам атрымаў Хорхе Прада. Іспанцу з каманды Red Bull GasGas Factory Racing прыйшлося адыгрываць толькі адну пазіцыю – ён абагнаў канкурэнта з JM Honda Racing Генры Якобі, які затым паступова адкаціўся на чатырнаццатую пазіцыю. Так што другім фінішаваў гоншчык завадской Хускварны Браян Богерс, які на трэцім кругу абагнаў завадчаніна Ямахі Глэна Колдэнхофа, які напярэдадні выграў кваліфікацыйную гонку.

Яшчэ меней у Партугаліі пашанцавала партнёру нідэрландца па камандзе Максіму Рэно. Малады француз, які ў мінулым годзе стаў чэмпіёнам у MX2, на чатырнаццатым кругу таксама ўпаў, фінішаваўшы пасля гэтага адзінаццатым. Як, дарэчы, і ў другім заездзе, у якім у Максіма таксама не абышлося без падзення.

Затое Гайсэр адыграўся па поўнай. Хол-шот выйграў Прада, Цім адразу размясціўся на другой пазіцыі. Абодва былі ішлі хутка, Хорхе традыцыйна эфектыўна абараняўся, але на восьмым кругу Гайсэр знайшоў месца, дзе яго абагнаць, таму іспанец задаволіўся другой пазіцыяй. Трэцім фінішаваў Колдэнхоф, адыграўшыся такім чынам перад Богерсам, які на гэты раз стаў чацвёртым.

Перамога на партугальскім этапе дасталася Прада, Гайсэр заняў другое месца, Богерс падняўся на ніжнюю ступень подыуму. Аднак, як і Гіртс у MX2, Гайсэр працягвае камфортна лідзіраваць, маючы 186 ачкоў. У Прада іх 165, але затое ён падняўся на другую пазіцыю, адцясніўшы на трэцюю Рэно, у якога 144 балы. Honda з тымі ж 186 ачкамі па-ранейшаму лідзіруе ў заліку вытворцаў у MXGP. Yamaha захоўвае другую пазіцыю і мае 169 балаў, але яна цяпер ўсяго на чатыры апярэджвае GasGas.

Арэлі для лідараў. Як Яга Гіртс і Цім Гайсэр выпраўлялі свае памылкі на мотакросавым Гран Пры Партугаліі

Чэмпіянат свету працягнецца ўжо ў гэты ўік-энд у Італіі, куды ён прыязджае ўжо ў другі раз у гэтым сезоне. Але гэта будзе Гран Пры яшчэ не Італіі, які ў маі пройдзе ў Маджыоры, а Трэнціна. Яго прыме траса П’етрамурата.

Источник

Оставьте ответ

Ваш электронный адрес не будет опубликован.