Біятланісты з Беларусі выступілі на стартах у Сочы, якія нікому не цікавыя: Алімбекава губляе матывацыю, без яе толькі адзін медаль, працаўнiкi дзяржТБ паказвалі ежу

0 8

У беларускім біятлоне па-ранейшаму спадзяюцца на скасаванне міжнароднага бану з-за распачатай Расіяй вайны ва Украіне. Нагадаем, беларусы разам з расіянамі прапусцілі тры завяршальныя этапы Кубка свету-2021/22. Рашэнне па будучыні біятлонных зборных з краін-агрэсараў прымуць на кангрэсе Міжнароднага саюза біятланістаў (IBU), які пройдзе ў аўстрыйскім Зальцбургу з 15 па 18 верасня.

«Членства расейскай і беларускай біятлонных федэрацый рашэннем выканкама IBU прыпынілі на фоне вайны ва Украіне. Статут IBU абвяшчае, што «прыпыненне або іншыя санкцыі перастаюць дзейнічаць пасля наступнага чарговага пасяджэння кангрэса, калі кангрэс не прыме адпаведнага рашэння на гэтым пасяджэнні», – патлумачылі ў міжнародным саюзе.

А пакуль беларусам прыходзіцца спаборнічаць на турнірах, якія прыдумалі з расіянамі пасля пачатку вайны. Першым з такіх у сезоне-2022/23 стаў Кубак Садружнасці, стартавы этап якога ў чацвер на асфальце пачаўся на базе лыжна-біятлоннага комплексу «Лаура» ў Сочы. Чатыры астатнія этапы КС пройдуць на снезе ў Разані, Раўбічах ды Цюмені. Арганізатары заявілі, што на грошы могуць разлічваць спартсмены, якія заедуць у топ-6 на любым з этапаў. Агульны прызавы фонд складае 40 мільёнаў расійскіх рублёў (670 тысяч долараў).

У Сочы беларусы паехалі не ў самым аптымальным складзе. Так, у жаночай камандзе Ганна Сола ды Ірына Лешчанка вырашылі прыпыніць кар’еры дзеля радасцяў мацярынства, а сёстры Елена і Ірына Кручынкіны адначасова траўміраваліся. Экс-расіянкі засталіся ў Беларусі і працуюць па індывідуальнай праграме. Затое ў склад вярнулі Максіма Вараб’я, якога раней выключылі са зборнай за адмову спаборнічаць на вясновых стартах у Расіі.

«Змаўчаўшы аб вайне, Сола страціла ў падтрымцы». Што адбываецца ў белбіятлоне: зборнікі запалоханыя, гуляе кавід, апальнага Вераб’я вярнулі ў каманду

Біятланісты з Беларусі выступілі на стартах у Сочы, якія нікому не цікавыя: Алімбекава губляе матывацыю, без яе толькі адзін медаль, працаўнiкi дзяржТБ паказвалі ежу

Таму з беларускай жаночай каманды, куды ўвайшлі Аліна Пільчук, Дар’я Кудаева, Адэліна Сабітава і Дынара Алімбекава, у Сочы магла канкурыраваць толькі апошняя. Дарэчы, алімпійская чэмпіёнка-2018 зрабіла некалькі заяў напярэдадні і падчас спаборніцтваў.

Алімбекава назвала этап у Сочы «прахожым стартам» і страчвае матывацыю

За дзень да пачатку першай гонкі Алімбекава назвала спаборніцтвы ў Сочы «проста нейкім прахожым стартам», на якім беларуская каманда «падводзіць рысу ў падрыхтоўчым перыядзе». Па словах біятланісткі, зборнай яшчэ рана стартаваць у жніўні.

«Вышыня ў Сочы [1450 метраў над узроўнем мора] – мы да яе не падрыхтаваны, мы не праводзілі там збор, але ўсё павінна прайсці больш-менш добра. Мы прыедзем туды ўсяго на пяць-сем дзён, не мусіць нас там моцна прыбіць», – распавядала Дынара. Негледзячы на гэта, падпісантка за Лукашэнка збіралася паказаць у Сочы добрыя вынікі і хвалілася сённяшняй добрай стральбой ды функцыянальным станам.

У Сочы Алімбекава стала першай у дзвюх дысцыплінах – спрынце і гонцы пераследу. На нядзельны масавы старт беларуска вырашыла не выходзіць. Ужо падчас спаборніцтваў Дынара пачала марыць пра вяртанне на КС і прызналася, што страчвае матывацыю.

«Нам усім, вядома, хочацца выступаць з лепшымі ў свеце, хоць і канкурэнцыя ў расійскім біятлоне дастаткова добрая. Нам трэба выступаць на міжнародных спаборніцтвах. Не магу сказаць канкрэтна, колькі я гатова цярпець. Зразумела, што гэта ўплывае на трэніровачны працэс, калі трэба шукаць матывацыю, а мы знаходзімся ў падвешаным стане, не ведаем, які будзе сезон, не ведаем, чаго патрабаваць ад сябе ў першую чаргу. Не гатова сказаць, што буду цярпець столькі, колькі трэба», – падзялілася Алімбекава, намякнуўшы, што «у жанчыны ёсць варыянт паставіць сваю кар’еру на паўзу».

Дынару можна зразумець – у Расіі акрамя беларусак ёй прышлося спаборнічаць толькі з мясцовымі біятланісткамі. Прэзідэнт Саюзу біятланістаў Расіі Віктар Майгураў прызнаў, што цікавасці да іх стартаў з іншых краін няма. З мінуласезоннага асноўнага складу расійскай зборнай у Сочы спаборнічала толькі Ірына Казакевіч, якая заняла ў агульным заліку КС-2021/22 35-е месца. Але нават у такой сціплай кампаніі Алімбекавай прыйшлося пастарацца, каб узяць два золаты. Біятланістка, якая скардзілася на спякоту, у спрынце ўсяго толькі на паўсекунды абышла расіянку Анастасію Шаўчэнка. У пас’юце беларуска з трыма промахамі прывезла ёй жа 25 секунд. У сваёй кар’еры Шаўчэнка ўсяго пяць разоў стартавала на этапах КС, але вышэй за 41-е месца ў гонках не заскоквала.

«Трохі не атрымалася навязаць барацьбу Дынары, але ўсё яшчэ наперадзе!» – аптымістычна казала пасля пас’юта расійская біятланістка.

Біятланісты з Беларусі выступілі на стартах у Сочы, якія нікому не цікавыя: Алімбекава губляе матывацыю, без яе толькі адзін медаль, працаўнiкi дзяржТБ паказвалі ежу

Паралельна экс-беларуска ўзяла медаль на ЧС

У гэтыя ж дні ў нямецкім Рупольдынгу без беларусаў і расіян праходзіць летні чэмпіянат свету па біятлоне, пра што сумуе Алімбекава. У гонках не абышлося без беларускага следу. За Фінляндыю ўжо не першы сезон выступае экс-біятланістка зборнай Беларусі Анастасія Кінунен (раней вядомая як Дубарэзава). Больш таго, ветэран сусветнага біятлона (ёй ужо 37) нечакана заваявала медаль. Гэта ўдалося зрабіць у суперспрынце, дзе спартсменка саступіла толькі італьянкам Даратэі Вірэр і Лізе Вітоцы.

Біятланісты з Беларусі выступілі на стартах у Сочы, якія нікому не цікавыя: Алімбекава губляе матывацыю, без яе толькі адзін медаль, працаўнiкi дзяржТБ паказвалі ежу

Як у Сочы выступілі астатнія

У астатніх сочынскіх гонках беларусы толькі раз паднімаліся на п’едэстал. Гэта зрабіў падпісант праўладнага ліста і бойфрэнд Алімбекавай Антон Смольскі. Пасля чацвёртага месца ў спрынце і 11-й пазіцыі ў пас’юце біятланіст стаў другім у нядзельным масавым старце.

Іншыя вышэй за сёмае месца не паднімаліся. Больш за тое, тры біятланісткі з Беларусi не фінішавалі ў гонцы пераследу, адстаўшы ад Алімбекавай больш, чым на круг.

Спаборніцтвы ў Сочы не толькі не прыцягнулі біятланістаў з іншых краін, але і не выклікалі цікавасці ў прыхільнікаў гэтага віду спорту ў самой Расіі. Трыбуны на ўсіх гонках былі практычна пустымі.

Біятланісты з Беларусі выступілі на стартах у Сочы, якія нікому не цікавыя: Алімбекава губляе матывацыю, без яе толькі адзін медаль, працаўнiкi дзяржТБ паказвалі ежу

Працаўнiкi дзяржТБ адпачывалі на моры і посцілі ежу

Беларускае дзяржТБ паказвала ўсе старты ў Сочы ў поўным аб’ёме. У Расію нават адправілі верных рэжыму супрацоўнiкаў АНТ Андрэя Бандарэнку і БТРК Андрэя Казлова, каб тыя асвятлялі спаборніцтвы, у якіх амаль не было топавых спартоўцаў. У Сочы акрамя беларусаў ім размаўляць асабліва было няма з кiм. Таму, мяркуючы па актыўнасці ў Instagram, Бандарэнка і Казлоў больш бавілі часу за адпачынкам і прыёмамi ежы.

Біятланісты з Беларусі выступілі на стартах у Сочы, якія нікому не цікавыя: Алімбекава губляе матывацыю, без яе толькі адзін медаль, працаўнiкi дзяржТБ паказвалі ежу

Біятланісты з Беларусі выступілі на стартах у Сочы, якія нікому не цікавыя: Алімбекава губляе матывацыю, без яе толькі адзін медаль, працаўнiкi дзяржТБ паказвалі ежу

Біятланісты з Беларусі выступілі на стартах у Сочы, якія нікому не цікавыя: Алімбекава губляе матывацыю, без яе толькі адзін медаль, працаўнiкi дзяржТБ паказвалі ежу

Біятланісты з Беларусі выступілі на стартах у Сочы, якія нікому не цікавыя: Алімбекава губляе матывацыю, без яе толькі адзін медаль, працаўнiкi дзяржТБ паказвалі ежу

Біятланісты з Беларусі выступілі на стартах у Сочы, якія нікому не цікавыя: Алімбекава губляе матывацыю, без яе толькі адзін медаль, працаўнiкi дзяржТБ паказвалі ежу

Біятланісты з Беларусі выступілі на стартах у Сочы, якія нікому не цікавыя: Алімбекава губляе матывацыю, без яе толькі адзін медаль, працаўнiкi дзяржТБ паказвалі ежу

Фота: «Белорусский Биатлон», Instagram/andy_bondy, andrey_kozlov_by

Источник

Оставьте ответ

Ваш электронный адрес не будет опубликован.