Ці 21 больш чым 22? Разбіраемся на прыкладзе матацыклетнага Гран Пры Францыі

0 5

Фота: motogp.com

У Франчэска Баньяі былі ўсе шанцы атрымаць другую перамогу запар і зрабіць чэмпіянат MotoGP яшчэ больш цікавым. Але займацца гэтым прыйшлося Энеа Басціаніні, які ўжо ў трэці раз у сезоне перамог, выступаючы на мінулагоднім Ducati Desmosedici GP21.

Ці 21 больш чым 22? Разбіраемся на прыкладзе матацыклетнага Гран Пры Францыі

Вораг, які 24 лютага прыйшоў з вайной ва Украіну, не пакінуў ёй іншых варыянтаў, як перамагаць са старымі савецкімі ўзбраеннямі. А Украіна, як ні дзіўна гэта магло б камусьці падацца, перамагаць пачала, і цяпер абавязкова пераможа не толькі на Еўрабачанні, хоць і з перамогай на ім мы нашых сяброў і суседзяў, натуральна, віншуем.

І справа не ў тым, што ўкраінцы пачынаюць атрымліваць самую сучасную зброю ад сваіх заходніх саюзнікаў. Проста яны выдатна ведаюць, што яны абараняюць і на што наважваецца агрэсар. Ведаюць гэта і ў Чэхіі, Польшчы, Літве, Латвіі, Эстоніі, Даніі, Фінляндыі, Швецыі. Многія з пералічаных краін са сваёй нават зусім нядаўняй гісторыі памятаюць, што такое рускі свет. І вялікая ім пашана за дапамогу, якую яны Украіне аказваюць.

Сапраўднае аблічча рускага свету вядомае і беларусам, якія працягваюць дапамагаць украінцам абараняцца і кладуць сваё жыццё за іх і за нашу свабоду. У дзень, калі пішуцца гэтыя радкі, прыйшла навіна аб гібелі ваяра Батальёна Кастуся Каліноўскага Паўла «Волата», па якім мы смуткуем разам з яго роднымі і блізкімі, а таксама з яго сябрамі па зброі, якім зычым хутчэйшай перамогі над нашым агульным з украінцамі ворагам. Слава Україні! Героям Слава! Верым! Можам! Пераможам! Жыве Беларусь!

На фоне гераізму ўкраінцаў і іх баявых сяброў з Беларусі і іншых краін свету паводзіны некаторых еўрапейскіх палітыкаў выклікаюць як мінімум непаразуменне. Напрыклад, французскі прэзідэнт марнуе грошы падаткаплацельшчыкаў на тэлефанаванні расійскаму дыктатару. Бадай што толькі гонкі і гоншчыкі і ратуюць Францыю ад сораму. Тыднем раней у По гэта рабілі ўдзельнікі першага этапу сусветнага Турынга, ў мінулыя выхадныя – удзельнікі Гран Пры Францыі чэмпіянату MotoGP.

Ці 21 больш чым 22? Разбіраемся на прыкладзе матацыклетнага Гран Пры Францыі

У чэмпіянаце гэтым таксама не ўсё добра. Плёткі аб гэтым хадзілі раней, а пасля папярэдняга Гран Пры Іспаніі было пацверджана афіцыйна: каманда Team Suzuki Ecstar сыходзіць па сканчэнні сезона-2022. Гэта значыць, што працу мусяць шукаць абодва яе гоншчыкі – чэмпіён 2020 года Хоан Мір і Алекс Рынс. Абодвум зараз крытычна важна паказваць вартыя спартыўныя вынікі, але ў абодвух жа ў Ле Мане гэта не атрымалася.

Словы «не атрымалася» увогуле можна цяпер аб’яўляць дэвізам французскага этапу MotoGP. Таму што бліснуць на сваім хатнім Гран Пры не атрымалася і ў дзейснага чэмпіёна з завадской каманды Monster Energy Yamaha MotoGP Фабіа Куартарара. Ён і кваліфікаваўся нядрэнна, чацвёртым, і ў гонцы памылак не дапускаў. Ну хіба што стартаваў не выдатна і на першых кругах у значнай ступені не атакаваў, а адбіваўся ад чужых атак.

Ці 21 больш чым 22? Разбіраемся на прыкладзе матацыклетнага Гран Пры Францыі

Але калі малады француз раскаціўся, то на барацьбу за перамогу тэмпу яму ўсё роўна не хапіла, а герой Гран Пры Аргенціны Алеш Эспаргара з Aprilia Racing адстаяў трэцюю пазіцыю, з якой ён і стартаваў. Куартарара ў выніку задаволіўся чацвёртым месцам. Часткова, зрэшты, яму з Алешам дапамаглі Мір і Рынс, якія абодва скончылі гонку ў Ле Мане датэрмінова пасля падзенняў, дазволіўшы канкурэнтам з Апрыліі і Ямахе двойчы бясплатна атрымаць па адной пазіцыі.

Спачатку яшчэ на трэцім кругу ў выніку памылкі ў другім павароце, выезду ў гравій і няўдалага вяртання на гоначнае палатно ў чацвёртым павароце самаліквідаваўся Рынс. Пры стартаваў ён добра, прарваўшыся з сёмай пазіцыі на трэцюю, трэцім ішоў і на момант свайго падзення. Ну а яго напарнік і суайчыннік выбыў з барацьбы на чатырнаццатым кругу, калі займаў чацвёртую пазіцыю.

Але больш за ўсіх усё не атрымалася ў Баньяі. Італьянскі гоншчык Ducati Lenovo Team як быццам антыджэкпот сарваў, калі ўпаў на дваццаць першым кругу з дваццаці сямі. Так, перамога яму гарантаванай зусім не была, бо Энеа Басціаніні з Gresini Racing MotoGP, які стартаваў пятым, да таго моманту ўжо падняўся на другую пазіцыю і вісеў у Франчэска на хвасце.

Яго напарніка Джэка Мілера, які на старце сам быў апярэдзіў Баньяю, але хутка вярнуў яму лідарства, памыліўшыся, Энеа да таго моманту апярэдзіў без заўважнага супраціву. Мінулагодні Ducati Desmosedici GP21 ізноў выявіўся хутчэйшым за новыя завадскія Desmosedici GP22. Так што хоць матэматычна 21 і меней за 22, але ў дадзеным выпадку дакладна не горш.

Тым не менш хаця б не памыляцца так крытычна і ў такі непадыходны момант для Баньяі было магчыма. Так, глядзіш, і барацьба за першую пазіцыю на фінальных кругах была б цікавай і захапляльнай. Замест гэтага ж мы назіралі, як Басціаніні даволі спакойна даязджаў да сваёй трэцяй у кар’еры і ў сезоне перамогі, амаль што на тры секунды адарваўшыся ад Мілера, які заняў другое месца.

Энеа ж пакуль што з’яўляецца адзіным, хто ў гэтым годзе падымаўся на вяршыню подыуму болей аднаго разу. Нестабільнасць, праўда, не дазваляе яму узначальваць чэмпіянат, але ў першую тройку малады італьянец вярнуўся, і з 94 ачкамі цяпер яе замыкае. Пры гэтым Алеш Эспаргара, які застаўся другім, апярэджвае яго на чатыры ачкі, ды і Куартарара, які ў сваю чаргу захаваў лідарства, цяпер недалёка – у яго 102 балы.

У камандным заліку на першую пазіцыю паднялася Aprilia Racing, у якой 131 ачко. Team Suzuki Ecstar апусціліся на другі радок і маюць 125 балаў, усяго на чатыры апярэджваючы калектыў Monster Energy Yamaha MotoGP, які замыкае першую тройку, і на сем завадскую Ducati Lenovo Team.

Ці 21 больш чым 22? Разбіраемся на прыкладзе матацыклетнага Гран Пры Францыі

Іншымі словамі, толькі і застаецца, што ў чарговы раз канстатаваць непрадказальнасць бягучага сезона MotoGP і пачаць з нецярпеннем чакаць яго наступнага этапу. Ім 27-29 мая стане Гран Пры Італіі, які пройдзе на трасе Муджэла.

Источник

Оставьте ответ

Ваш электронный адрес не будет опубликован.