Дэжавю наадварот. Другі этап сусветнага Супербайка ў Асэне стаў амаль што люстраным адбіткам першага

0 54

Фота: worldsbk.com

Альвара Баўціста пакінуў Нідэрланды, дзе чэмпіянат свету па Супербайку правёў у мінулы ўік-энд свой другі этап, лідарам асабістага заліку. Але на гэты раз перамог ён толькі аднойчы, тады як Джонатан Рэй – два разы. Можа, і тры атрымалася б, але ў чэмпіёнскай гонцы ўдзельнічае яшчэ і Топрак Разгатліоглу.

Дэжавю наадварот. Другі этап сусветнага Супербайка ў Асэне стаў амаль што люстраным адбіткам першага

А ў вайне супраць рускіх захопнікаў удзельнічае ўвесь украінскі народ. Вайна гэта сапраўды ўжо стала для яго Вялікай айчыннай, а ў такіх войнах можна толькі перамагаць. На шчасце, свет, добра разумеючы, каго Украіна стрымлівае, у другі раз у гісторыі распачаў праграму лэнд-лізу, які дапаможа ўкраінцам у іх няпростай барацьбе.

Не варта недаацэньваць ворага. Яго войска дакладна самае непрафесійнае і бясталентнае, яго складаюць не салдаты, а звычайныя бандзюкі, забойцы і гвалтаўнікі, але гэтага мяса шмат, і карлікавы дыктатар будзе выкарыстоўваць іх да апошняга. Страляць мясу таксама пакуль што ёсць чым, таму зараз жа пакуты Украіны не скончацца.

Аднак украінцы добра ведаюць, што і каго яны абараняюць. Мужнасць іх усіх без выключэння і прафесіяналізм іх вайскоўцаў сарвалі планы ворага, таму вызваленне захопленых тэрыторый – пытанне часу. Беларусы працягнуць дапамагаць ім хто чым можа, у тым ліку бараніць іх зямлю са зброяй у руках. Абараніўшы свабоду Украіны, яны здабудуць і свабоду для Беларусі. Слава Україні! Героям Слава! Верым! Можам! Пераможам! Жыве Беларусь!

Сярод шматлікіх дзяржаў, што тым ці іншым чынам дапамагаюць Украіне, ёсць і Нідэрланды, якім можна толькі падзякаваць. Гоначныя традыцыі там таксама багатыя, Макс Ферстапен таму жывы прыклад. Ёсць там і сапраўдны мотагоначны храм – траса ў Асэне, якая і стала арэнай другога этапу сусветнага Супербайка.

Дэжавю наадварот. Другі этап сусветнага Супербайка ў Асэне стаў амаль што люстраным адбіткам першага

Сусветныя шашэйна-колцавыя мотагоначныя чэмпіянаты ў гэтым годзе дзівяць! У MotoGP выйграць можа хто заўгодна, у WSBK заяўкі на лідарства пакуль зрабілі толькі тры ўдзельнікі, затое спаборнічаюць яны за дзесяцярых. Гоншчык завадской каманды Pata Yamaha with Brixx WorldSBK Топрак Разгатліоглу ў гэтым годзе абараняе чэмпіёнскі тытул, і раз за разам прэтэндуе на перамогу.

Вось і ў Асэне поўл заваяваў менавіта турак. Што, канечне, нічога яму не гарантавала, бо Джонатан Рэй, яго мінулагодні дуэльны супернік, быў побач, кваліфікаваўшыся трэцім. Другую ж пазіцыю на старце суботняй і кароткай ранішняй нядзельнай гонак заняў яго напарнік па Kawasaki Racing Team WorldSBK Алекс Лоўс. Альвара Баўціста з Aruba.it Racing-Ducati пры гэтым кваліфікаваўся толькі пятым, саступіўшы яшчэ і напарніку Разгатліоглу, італьянцу Андрэа Лакатэлі.

Дэжавю наадварот. Другі этап сусветнага Супербайка ў Асэне стаў амаль што люстраным адбіткам першага

Але ў чарговы раз канстатуем другаснае значэнне поўлу ў мотагонках. Хоць варта прызнаць, што на другім этапе ў Разгатліоглу быў тэмп і ў гонках. І першую пазіцыю Рэю ў суботняй гонцы ён хоць у выніку і саступіў, але далёка не адразу, а толькі на шаснаццатым кругу, калі яго заадно абагнаў і Баўціста. Іспанец амаль адразу ж стаў насядаць на Рэя, што выклікала ў многіх пачуццё дэжавю – адразу ўспомнілася іх дуэль у суботнім заездзе ў Альканісе.

Тым больш што і фінішавалі ўсе трое ў тым жа парадку. Рэй утрымаў першую пазіцыю і перамог, Баўціста фінішаваў другім, Разгатліоглу замкнуў першую тройку. Ледзь не паўтарыўся сцэнарый і нядзельнага ранішняга спрынту-суперпоўлу. Хіба што Баўціста гэтым разам захапіў лідарства не ў пачатку, а ў самым канцы скарочанай на адзін круг гонкі (яе старт быў адкладзены праз праблемы з матацыклам у гоншчыка каманды Bmax Racing Габрыэле Руіу, што ўзніклі на стартавай рашотцы).

Дэжавю наадварот. Другі этап сусветнага Супербайка ў Асэне стаў амаль што люстраным адбіткам першага

Баўціста атакаваў быў Рэя ў хуткім шостым павароце, але брытанец вярнуў сабе лідарства на апошнім кругу. Альвара задаволіўся другім месцам, але пасля ўжо пасля фінішу апынуўся на трэцім, прапусціўшы наперад Разгатліоглу. Суддзі заўважылі, што ён парушыў межы трасы і выпісалі яму штраф.

Затое Топрак і Джонатан зрабілі гоншчыку Ducati падарунак у фінальным заездзе ўік-энду. Усе трое ізноў біліся за першую пазіцыю, пакуль на шостым кругу турак і брытанец не сутыкнуліся ў першым павароце, што скончылася для абодвух падзеннем і сходам з дыстанцыі. Іх інцыдэнт, гледзячы па ўсяму, быў у выніку прызнаны гоначным, бо пра пакаранне каго-небудзь з іх так нічога і не вядома.

Дэжавю наадварот. Другі этап сусветнага Супербайка ў Асэне стаў амаль што люстраным адбіткам першага

Зразумела, што задача Баўцісты пасля таго, як яго супернікі выбылі, максімальна спрасцілася. Іспанец не дапусціў памылак, атрымаўшы перамогу ў гонцы. Другім у ёй фінішаваў Лакатэлі, а трэцім – зменшчык Альвара ў завадской Хондзе і прышэлец з MotoGP Ікер Лекуона.

Вось і атрымалася, што з адной перамогай супраць двух у Рэя, Баўціста застаўся лідарам чэмпіянату і павялічыў адрыў ад брытанца. Цяпер у іх 109 ачкоў і 91 адпаведна. Разгатліоглу застаўся на трэцяй пазіцыі, але, маючы 64 ачкі, ужо сур’ёзна адстае. Ducati з тымі ж 109 баламі захавала лідарства ў заліку вытворцаў, крыху адарваўшыся ад Kawasaki, якая мае 104 ачкі і па-ранейшаму займае другую пазіцыю. Yamaha ўсё так жа трэцяя, у яе 84 балы.

Дэжавю наадварот. Другі этап сусветнага Супербайка ў Асэне стаў амаль што люстраным адбіткам першага

У ўдзельнікаў сусветнага Супербайка будзе амаль месяц на адпачынак перад трэцім этапам, які пройдзе ў партугальскім Эштарыле 20-22 мая.

Источник

Оставьте ответ

Ваш электронный адрес не будет опубликован.