Атмасфера наэлектрызаваная. Этап Формулы Е ў Марока абвастрыў становішча ў чэмпіянаце

0 3

Фота: Formula E

Падзей у гонцы на трасе ў Маракешы было не надта шмат. Але і тых, што былі, хапіла для таго, каб у чэмпіянаце павысілася напружанне. Яно і тут і мусіць быць – гонкі-та электрычныя! Таму Эдоарда Мартары, нягледзячы на яго перамогу і лідарства ў серыі, расслабляцца рана.

Атмасфера наэлектрызаваная. Этап Формулы Е ў Марока абвастрыў становішча ў чэмпіянаце

На вялікі жаль, напружанне зусім іншага роду ўжо пяты месяц застаецца ва Украіне. Развязаная супраць яе закамплексаваным расійскім фашыстам вайна працягвае забіраць жыцці мірных яе жыхароў і абаронцаў. У тым ліку і нашых суайчыннікаў.

Учора стала вядома, што пры абароне Лісічанска загінулі камандзір атраду «Волат» палка Каліноўскага Іван Марчук, а таксама байцы Васіль Парфянкоў, Васіль Грудавік і Вадзім Шатроў. Байцы Ян Дзюрбейка і Сяргей Дзягцёў патрапілі ў палон. «Гоначная псіхапатыя» спачувае родным і блізкім загінулых і палоненых. Спадзяемся на хутчэйшае вяртанне захопленых да сваіх паплечнікаў.

У беларусаў і ўкраінцаў адзіны вораг, і ён гатовы знішчыць усё не толькі ўкраінскае і беларускае. Свет абавязаны дапамагчы Украіне атрымаць перамогу на полі бою і вызваліць свае захопленыя тэрыторыі. Яе поспех дапаможа і вызваленню Беларусі, што будзе карысна ўсім нашым суседзям. Слава Україні! Героям Слава! Верым! Можам! Пераможам! Жыве Беларусь!

Украіна будзе адбудаваная нанова і будзе квітнець (перакананы, разам з Беларуссю), у адрозненні ад агрэсара, які сам не ў стане вырабляць нават аўтамабілі з электрычнымі шклапад’емнікамі і ABS. Гонкі сусветнага ўзроўню да яго ў агляднай будучыні таксама не прыедуць, у тым ліку такія прагрэсіўныя, як Формула Е.

Толькі прагрэсіўная-та яна прагрэсіўная, але не заўсёды яе гонкі можна назваць цікавымі і падзейнымі. Часта там усё вырашае тактыка, і так было ў Маракешы, дзе менавіта пісьменнае размеркаванне сіл дапамагло бліснуць гоншчыку каманды ROKiT Venturi Racing Эдоарда Мартары.

Гонку швейцарац пачынаў з другой пазіцыі, і на старце зрабіў галоўнае – утрымаўся на сваёй пазіцыі і не адпусціў далёка ўладальніка поўлу Антоніу Фелікса да Кошту з DS Techeetah. Партугалец саступіў лідарства, калі паехаў на актывацыю рэжыму атакі, які ў выніку ўсяго толькі дапамог яму потым вярнуцца на другую пазіцыю. Прычым у другі раз да Кошта паехаў па дадатковую магутнасць амаль адразу пасля таго, як выкарыстаў першую яе дозу.

Атмасфера наэлектрызаваная. Этап Формулы Е ў Марока абвастрыў становішча ў чэмпіянаце

У камандзе паспрабавалі былі дапамагчы напарніку Антоніу Фелікса Жану-Эрыку Верню, які бароўся з гоншчыкам Jaguar TCS Racing Мітчэлам Эвансам. У француза шанцы на заваявання тытулу вышэйшыя, таму пасля таго, як ён прайшоў новазеландца, яго прапусціў і да Кошта. Што, зрэшты, плёну не дало – Мартара, які свае наведванні ўчастку актывацыі рэжыму атакі адцягнуў, ад’ехаў далёка, пазбавіўшы Верня магчымасці атакаваць яго.

Пры гэтым Жан-Эрык яшчэ і яўна саступаў у тэмпе да Кошце, таму паміж напарнікамі бліжэй да фінішу ізноў адбыўся размен пазіцыямі. Антоніу Фелікс нават паспеў наблізіцца да Мартары, але той, відаць, проста ўвесь папярэдні час эканоміў энергію, і на дыстанцыю атакі канкурэнта з DS Techeetah не падпусціў – да Кошта ў выніку задаволіўся другім месцам. Вернь мог бы задаволіцца трэцім, калі б батарэя на яго балідзе не пачала перагравацца, праз што Жан-Эрык страціў тэмп і прапусціў Эванса, які і фінішаваў трэцім.

Атмасфера наэлектрызаваная. Этап Формулы Е ў Марока абвастрыў становішча ў чэмпіянаце

Поспех Мартары прынёс яму лідарства ў чэмпіянаце, дзе Эдоарда мае 139 ачкоў, на адзінаццаць апярэджваючы Верня, які захаваў другую пазіцыю. Стофель Вандорн з Mercedes-EQ, які праз памылку ў кваліфікацыі стартаваў дваццатым, але дабраўся да восьмага месца, у турнірнай табліцы апусціўся на трэці радок. Ён на тры балы адстае ад Верня і на адзін апярэджвае Эванса.

У камандным заліку лідар таксама новы – ROKiT Venturi Racing. У іх, намаганнямі найперш Мартары, 205 ачкоў, што, аднак, усяго на два болей, чым у DS Techeetah. Mercedes-EQ са 198 ачкамі таксама апусціўся на трэцюю пазіцыю.

Атмасфера наэлектрызаваная. Этап Формулы Е ў Марока абвастрыў становішча ў чэмпіянаце

Этапаў у гэтым сезоне Формулы Е засталося шэсць, але ісці яны будуць парамі і праводзіцца ў адзін уік-энд. Наступныя, адзінаццаты і дванаццаты, пройдуць 16 і 17 ліпеня адпаведна ў Нью-Йорку.

Источник

Оставьте ответ

Ваш электронный адрес не будет опубликован.