Новы лятучы фін. Кале Раванпэра наблізіўся да чэмпіёнскага тытулу, атрымаўшы перамогу на Ралі Эстонія

0 1

Фота: wrc.com

У Фінляндыі багатыя аўтаспартыўныя традыцыі, што ў кальцавых гонках, што ў ралі. Двухразовага чэмпіёна Формулы 1 Міку Хакінена некалі назвалі лятучым фінам, здаецца, цяпер такі будзе і ў WRC. На Ралі Эстонія Кале Раванпэра даказаў, што ён варты такога звання.

Новы лятучы фін. Кале Раванпэра наблізіўся да чэмпіёнскага тытулу, атрымаўшы перамогу на Ралі Эстонія

Ва Украіне амаль паўгода цягнецца вайна, якая ёсць нечым большым, чым проста вайна Украіны з рускім фашызмам. Украіна зараз абараняе ўвесь свет ад чужых старэчых імперскіх комплексаў. Агрэсія расійскага дыктатара супраць суседняга народа – гэта агрэсія супраць права народаў на свабоду і незалежнасць.

Украінцы за сваё права плацяць вялікую цану, занадта высокую для аднаго народу. Але пасля таго, як яны абароняць і вызваляць сваю зямлю ад ворага, больш ніхто не зможа паквапіцца на іх выбар ні звонку, ні ўнутры. Іх перамога перазапусціць і працэс вызвалення Беларусі і пераўтварэння яе жыхароў з насельніцтва ў грамадства, які тутэйшая дыктатура спыніла ў 2020-м.

Тыя беларусы, якія зараз ваююць за Украіну, ваююць і за сваю радзіму. Існаванне ў ёй акупацыйнага рэжыму магчымае пастолькі, паколькі існуе расійскі фашысцкі. Знішчэнне апошняга будзе азначаць канец і для тутэйшага калгаснага. Два народы заслужылі быць свабоднымі і адказнымі за сябе і свой лёс. Слава Україні! Героям Слава! Верым! Можам! Пераможам! Жыве Беларусь!

Дзве свабодныя і мірныя краіны патрэбны Еўропе, таму што толькі свабоднымі і мірнымі яны будуць гарантыяй бяспекі на кантыненце. Гэта выдатна разумеюць іх суседзі, у тым ліку ў краінах Балтыі і, у прыватнасці, у Эстоніі, якая шмат дапамагае Украіне. Спартсменаў з Расіі і Беларусі на свой этап чэмпіянату свету па ралі яна не пусціла, але гэта дакладна можна перажыць.

Новы лятучы фін. Кале Раванпэра наблізіўся да чэмпіёнскага тытулу, атрымаўшы перамогу на Ралі Эстонія

Тым больш што галоўную ўвагу да сябе ўсё роўна прыцягвалі б фаварыты першынства: лідар чэмпіянату Кале Раванпэра, яго партнёр па камандзе Toyota Элфін Эванс, мясцовы герой От Цянак і яго напарнік па Hyundai Цьеры Нэвіль, а таксама гоншчыкі M-Sport Ford Крэйг Брын і Гас Грынсміт. Вось яны ў наваколлях Тарту і рабілі шоу, праўда, кожны па-рознаму.

Брын, напрыклад, пасля перамогі на першым суперспэшле ў чацвер лідарам ралі пабыў нядоўга. У раніцу пятніцы ірландзец спачатку адкаціўся на чацвёртую пазіцыю, а на чацвёртым спецучастку зляцеў з трасы і пашкодзіў падвеску свайго Puma Rally1, сышоўшы з дыстанцыі. Hyundai i20 N Rally1 Цянака і Нэвіля гэтым разам не ламаліся, але і ўгнацца за Таётамі не маглі.

Новы лятучы фін. Кале Раванпэра наблізіўся да чэмпіёнскага тытулу, атрымаўшы перамогу на Ралі Эстонія

Эстонец, які заняў трэцяе месца, выбраўся на яго фактычна па выніках яшчэ другога спецучастка. Бельгіец спачатку паспаборнічаў з яшчэ адным прадстаўніком Таёты Эсапекай Лапі, але, пачынаючы з дванаццатага допа ў суботу канчаткова ўладкаваўся на чацвёртай пазіцыі, на якой і скончыў этап.

За перамогу ж спрачаліся Раванпэра і Эванс. Валіец лідзіраваў амаль усю пятніцу, але пераменлівае надвор’е крыху змяніла расклад увечары, калі пайшоў дождж, пад якім фін быў хутчэй і выйшаў наперад. Больш расклад істотна не мяняўся. У суботу Элфін яшчэ патрымаўся паблізу ад Кале, але той неўзабаве нарасціў адрыў спачатку амаль да паловы хвіліны, а ў нядзелю – і да цэлай.

Новы лятучы фін. Кале Раванпэра наблізіўся да чэмпіёнскага тытулу, атрымаўшы перамогу на Ралі Эстонія

Каб проста зразумець тэмп, у якім ішоў лідар чэмпіянату, для прыкладу можна ўзяць фінальны суперспэшл, на якім разыгрываліся бонусныя ачкі і якіх Раванпэра ўзяў максімальныя пяць. Бліжэйшаму канкурэнту, якім і тут стаў Эванс, ён «прывёз» 22,1 секунды. Нестабільнае надвор’е ізноў сыграла на руку фінскага гоншчыка.

Вядома, і ў чэмпіянаце лідарства Кале толькі павялічылася – у яго 175 ачкоў супраць 92-х у Нэвіля, які захаваў другую пазіцыю. Эванс, заняўшы ў Эстоніі другое месца, у турнірнай табліцы падняўся на трэці радок, у яго 79 балаў, што на два болей, чым у Цянака. Toyota не меней упэўнена ўзначальвае залік вытворцаў, у якім яна мае 298 ачкоў. Hyundai з 211 баламі на другой пазіцыі, M-Sport Ford, маючы 157 ачкоў, замыкае першую тройку.

Новы лятучы фін. Кале Раванпэра наблізіўся да чэмпіёнскага тытулу, атрымаўшы перамогу на Ралі Эстонія

Пераможца ў катэгорыі WRC2 і дзейсны чэмпіён у ёй Андрэас Мікельсэн у абсалютным заліку заняў у Эстоніі восьмае месца. Лідарства ён захапіў ў пятніцу ўдзень, а да раніцы нядзелі проста кантраляваў адрыў ад фіна Цеему Сунінена. Чый Hyundai i20 N Rally2, аднак, быў не павольнейшы за Škoda Fabia Rally2 нарвежца, тым болей што той і сам выступіў не бездакорна, не пазбегшы развароту ў суботу.

Таму надта далёка Мікельсэн не ад’ехаў, а ў нядзелю на слізкім пасля дажджу гравіі Сунінен пайшоў у контратаку, і перад апошнім допам саступаў канкурэнту ўсяго 3,2 секунды. Нажаль, развіцця сюжэт трылеру не атрымаў, бо на суперспэшле перасталі працаваць два з чатырох цыліндраў рухавіка на машыне Цеему. Затое хоць другую пазіцыю ён утрымаў. Трэцім фінішаваў яго суайчыннік Эміль Ліндхольм на Шкодзе. Праўда, збольшага дзякуючы аварыі з пераваротам на перадапошнім допе яго балівійскага партнёра па камандзе Toksport Марка Буласіі.

Новы лятучы фін. Кале Раванпэра наблізіўся да чэмпіёнскага тытулу, атрымаўшы перамогу на Ралі Эстонія

Залік катэгорыі WRC3 на Ралі Эстонія быў аб’яднаны з залікам юніорскага чэмпіянату свету. Адпаведна, усе ўдзельнікі тут выступалі на Ford Fiesta Rally3, але поўна-, а не заднепрывадных, як я пісаў шмат разоў раней і за што выбачаюся. І на машыне пераможца Самі Паяры ў нядзелю ўзніклі праблемы з заднім дыферэнцыялам. Што, як няцяжка здагадацца, перамагчы яму не перашкодзіла.

З мясцовым гоншчыкам Робертам Вірвесам адносіны яму давялося высвятляць толькі на ранішняй пятнічнай секцыі. Пасля Самі стаў паступова адрывацца, а Вірвесу прыйшлося адстойваць другую пазіцыю. На яе спачатку прэтэндавалі суайчыннік Паяры Лаўры Йоона і брытанец Джон Армстронг. Але ў выніку з іх траіх хутчэйшым выявіўся менавіта эстонец, які і заняў другое месца. Трэцяе дасталася Армстронгу, Йоона задаволіўся чацвёртым.

Новы лятучы фін. Кале Раванпэра наблізіўся да чэмпіёнскага тытулу, атрымаўшы перамогу на Ралі Эстонія

Чэмпіянат свету па ралі працягнецца 4-7 жніўня паблізу ад Эстоніі – у Фінляндыі, дзе ў Раванпэры з’явіцца шанец бліснуць на роднай зямлі.

Источник

Оставьте ответ

Ваш электронный адрес не будет опубликован.